Klar for våronna? Snøen smeltar og planter og dyr vaknar til liv. Tørre skogstiar, spirande trær og vårsol får fram lysta til å fjonge seg på håret og bli litt ny. Naturleg og lettstelt er trendy, håret skal sjå glansfullt, friskt og sunt ut. Her kjem litt råd om hårstyling og anna vårtips for ein frisk lyng!
Er du så heldig å ha naturlege krøllar? Stell dei godt og bruk dei for alt dei er verdt!
Naturlege krøller er nemleg rett og slett hot! Men dei skal sjå sunne og definerte ut. For å få det beste ut av krøllene, er rett pleie viktig. Pass på å bruk sjampo og balsam med masse fukt, og ta hårkur innimellom, helst ein gong per veke. Krøllete hår manglar ofte nok fukt. Eit triks for å halde på fuktigheita er å sova med silke eller sateng-putevar. Bomull tørkar nemleg ut håret.
For å få dei perfekte krøllane bruker du Inkje Anna i fuktig hår, og litt Fot i Hose som leave-in kur i tørt hår. Ikkje bruk for mykje, då vert håret tungt. Eit anna alternativ er å blanda litt Oljelukke saman med skummet i fuktig hår. Bruk ein såkalla softstyler eller la håret tørka naturleg mens du «knepper» litt i det etter kvart som det tørkar. Krøllane skal vere store, naturlege og gjerne med ein oppklipt mjuk lugg som rammar inn ansiktet. Det er naturleg tekstur som gjeld denne våren, alt frå definerte krøller, til eit stort og viltert hår.
Skal du klippe deg er det no populært med krøllete lugg, og ein krøllete shag eller oppklippt frisyre som rammar inn ansiktet. Kva med å prøva ein litt oppklipt bob med gardinlugg?
Vinteren er tøff mot nordisk hår
Har du typisk nordisk slett hår som følas livlaust etter vinterkulda? Då kan rett pleie, litt styling og ein frisk klipp gjera lyngen din både glad og våryr. Kaldt vær, tørr inneluft og temperaturskifte frå inne til ute tørkar ut håret. Typisk nordisk hår krev kanskje meir styling også, då det har ein tendens til å klappa fort saman og bli flatt. Bruk av varmeverktøy og føner slit på håret heile håret, så komboen med kulde og tørr inneluft kan vera drepen for spesielt langt nordisk hår.
For å byggja opp att slitt og skada hår, trengs det proteiner. Proteiner er kroppen og håret sine byggesteinar. Silkepote er den perfekte sjampo for nordisk hår, og er utvikla spesielt for denne hårtypen. Den reinsar og vaskar håret på ein skånsam måte, utan å tørke det ut. I kvardagen anbefaler eg alltid at du bruker balsam. Morgondogg er proppa med kveiteprotein og styrkjer difor håret litt og litt.
Innimellom, som ein gong per veke, vert håret også veldig takksam for ein runde med hårkur. Ta ei spiseskei med Fot i Hose, i nyvaska handkletørka hår og la den sitje i 10-20 min før du skyl ut. Gjer du dette, vil håret ditt gradvis bli sterkare, blankare og tola meir både av styling og eventuelle farge- og stripebehandlingar.
Styling av nordisk hår er eit kapittel for seg sjølv
Sidan nordisk hår klappar fort i hop og kan vera vanskeleg å få volum i, er grunnjobben du gjer frå det er vått til tørt den viktigaste. Legg du litt arbeid her, er sjansen for at sveisen det lengre mykje større. Husk at håret er på sitt svakaste når det er heilt vått. La det difor naturtørke litt før du set i gang.
Bruk Inkje Anna hårskum og Sjøsprøyt. Tilpass mengde etter tjukkelse og lengde på håret. Du veit best kor mykje som skal til for å bli nøgd – prøv deg litt fram. Føn håret med børste, del for del, til det er heilt tørt. Avslutt gjerne kvar del med litt kaldluft frå fønaren, då set det seg betre.
Om du vil ha krøller eller fall kan du fikse det med krøll eller rettetang. Husk å bruk varmeskyttande produkt om du brukar varmeverktøy ofte. Stell og styling hjelper, men håret treng sjølvsagt også ein god omgang med saksa innimellom.
Kva seier hårtrendane no, mon tro?
Våren freistar med sol og meir varme, og butikkane flommar av nye klede og sko. Me får alle lyst å fornye oss litt og mange let seg inspirera av influencere og fine bilete på Instagram. Litt nytt i garderoben hjelper lite viss håret ikkje heng med. Lat oss sjå kva trendane seier om hår våren 2022.
Varmelaus styling – ein følge av pandemien?
Det er vorte meir og meir trendy å kutta ut varmeverktøy når ein styler håret – heatless styling! Dette er nok ein konsekvens av pandemien. Vi har alle hatt meir tid til å testa og prøva ut ting i eige hår, samstundes som ein kanskje vil ha ein lettvint styling som gir mindre forandringar når ein er mest heime. Heatless styling er ein veldig god trend for håret, ikkje minst. Det inneber rett og slett styling i vått hår, utan å bruka varmebehandling. Det kan til dømes vera at du tek ein sokk og snurrar inn i vått hår, og let det tørka slik. Det kan også vera så enkelt som å sova med fletter etter å ha dusja.
Vårklippen gjer susen
Gardinluggen er framleis populær, enten du har krøllar, slett, langt oppklipt hår eller bob. Få frisøren til å klippe luftige lag som gjev bevegelse. Slepp laus fall og krøller.
Bob-frisyrar er alltid i vinden. Bruk den med både midt- og sideskil. Gardinlugg eller «curtain-style», den mjuke oppklippte panneluggen, vil nok fortsetja å dominera i år.
Curtain-style betyr at luggen er litt lang, svakt bua og klipt opp for ein lettare look, og for at det skal vere enklare å style den vekk frå øygna. Me kjem til å sjå meir oppklipt bob i litt ulike variantar som «shaggy style» – som gir ein litt meir rocka og kul stil. Bobfrisyren som markerer seg mest, er «Boy Bob», inspirert av 90-tallet boy band-look. Avslappa, litt tilfeldig, litt messy. Effortlessly cool!
Oppklipt hår er inn som aldri før. Oppklipte frisyrar er ein viktig del av trendbildet no. Oppklipt hår gir meir liv og volum, i tillegg får ein vekk litt av det slitte håret når ein klipper det meir opp. Blant frisyrane me ser er «The New Shag», gjerne med lugg og oppklipp som rammar inn ansiktet. Dette er ein modernisert versjon av den klassiske shagen fra 70-tallet.
Ein treng ikkje laangt hår for å klippe det opp, som den såkalte «Mixie Cut» – ein kortare, oppklipt, 70-tallsinspirert frisyre som gjer comeback no. Og ikkje minst «Bixie Cut», som er ein «Pixie» kombinert med ein «Mullet» eller bob. Mykje spannande på klippefronten altså!
Vårfargar friskar opp. Når det kjem til farging er det glans som dominerer. Håret skal vera glansfullt og sjå sunt ut. Frisørane brukar glossing som er eit nytt namn på det som før vart kalla minicolour eller glansvask, kjært barn har mange namn.
Glossing brukast for å framheva kalde eller varme tonar i håret ditt. Den kan også dempe dei første små grå håra, eller friske opp når hårfargen har begynt å bli blass. Gloss er ein fin plass å starta om du ikkje har farga håret før, eller for deg som vil eksperimentera med farge, men ikkje ønsker at fargen skal sitta i for lenge. Gloss forsvinn nemleg gradvis for kvart vask. Varigheita avheng av farge og hårtype, men ca. 6-20 vask er vanleg.
Kombinasjonar er kult. Det er vanleg å kombinera gloss med «highlights», «balayage», eller «foilayage». Trenden er meir heilfarga vs. striper. Men dersom du ønsker blonde tonar, vil alltid lysfarger, enten det er i striper via «balayage» eller «foilaylage», vera å føretrekka.
Gyldne, varme tonar i 2022. Gjerne bruntonar. Alt frå lys, gylden blond til varme raudtonar og ulike fargeeffektar og spel. Spel får du med striper, «bayalage», «chunky highligts og «Moneypiece». Den siste har prega trendbilete ei god stund no. Til tross for at fargetrendane i år er av det meir gyldne og mørke slaget, er det en helt naturlig, lys motvekt til dette. Særlig blant voksent og eldre hår. Men ikkje alt handlar om varme tonar. Det er mykje fokus på naturleg, og då er sjølvsagt grått HOT!
Heilt på midten er toppen. Såkalla Generasjon Z, altså dagens unge, har lenge stempla ut sideskilen i sosiale media det siste året. Dette ser ut til å ha hatt ein tydeleg effekt på trendbilete – for midtskil er eit MÅ HA no.
Midtskil og stramt. «Sleek hair» er mykje representert på catwalken for Vår Sommar 22, inspirert av tidleg 2000-looken. Midtskillet styles altså helst med ein «sleek look», men me ser også ein og anna stram buns med djup sideskil. Gjerne «sleek» med hårpynt til, enten det er snakk om midtskil eller en djup sideskil. Me ser også mykje fletter. Både små «micro braids» og lange, fletta hestehaler. Ein «sleek» styling med midtskil slår aldri feil. Når det er sagt, handlar det om identitet. Det å finne riktig frisyre som passer deg og ditt utrykk er nok det viktigaste.
Ikkje alt treng å vere superstramt. No er det nemleg også tida for ein god, gammaldags «blow out». Ein god 90-talls «blow out» med ein «bouncy» og luksuriøs finish er veldig IN. No skal håret vere polert og glansfullt.
Etter lang tid med lockdown og restriksjonar, skal me igjen ut å pynta oss – for eksempel med ein «bouncy blow out»! Slepp håret laus, det er vår!